XX. mendeko Euskararen Corpus estatistikoa

Testuingurua

- Mineral eta harri baliotsuak ikatza adibidez, sarritan toki sakonetan eta balio gutxiko harri artean harrapatuta aurkitzen dira.

Esplotatu ahal izateko zuloak ireki behar dira mineral edo ikatz zerrora heldu arte.

Ondoren, galeria edo meazuloak zulatu behar dira.

Meatzetan, zuloetara igogailu batetan jaisten dira.

Behin ikatz zerrora helduta, eskuz edo makinaz txikitu eta bagoi batetan sartzen da.

Ondoren, jasogailu batetan igoten da ikatza.

Zerroa husten ari den neurrian, eutsi egin behar da sabaia, amil ez dadin.

- Meatzariaren lana, gogorra izateaz gain, arriskutsua ere bada, izan ere gasak edozein txinpartez lehertzen bait dira.

Meatzariek azkar jubilatu behar dute, osasuna berehala ahultzen bait zaie: gas toxikoek birikei kalte egiten diete.

- Mineral eta harri baliotsu gehienak zerro sakonetan aurkitzen dira eta esplotatzeko meatzeak zulatu behar dira.

- Meatzerik garrantzitsuenak ikatz meatzeak dira, izan ere gas toxiko eta sukoiak botatzen bait dituzte.

- Euskal Herrian ez dago ikatz meatzerik.

ARIKETAK 9. Non behar izango da langile gehiago, lur azpiko meatze batetan ala zerupeko batetan? Zergatik?.

10. Ikatza esplotatzeak hainbeste bizitza arriskatzen baditu, garrantzi handia duelako izango da.

Esan ezazu ikatzaren zenbait erabilera ezagun. Benetan al da ezinbestekoa?.

11. Ikertu meatzarien gaisotasun tipiko batzuk.

Badakizu... Orain dela 150 bat urte Europan, haurrek ikatz meatzetan lan egiten zutela?.

Haurrak oso errekerituak ziren meategiko behe galerietan oso erraz ibiltzen zirelako.

Zenbat urtez bizi ahal izango zuten haur hauek? Gehienak 30 urte izan baino lehenago hiltzen zirela kalkulatzen da.

Zenbait herrialde pobretan oraindik ere erabiltzen dira praktika ezgizatiar hauek.